مطلوب عمل حملة للمطالبة بالأفراج عن إسراء صاحبة فكرة اضراب 6 ابريل

من طرف hamlet الأربعاء أبريل 09, 2008 12:36 pm

زعيمة شعب الفيس بوك , بلا منافس !!!

مطلوب عمل حملة للمطالبة بالأفراج عن إسراء صاحبة فكرة اضراب 6 ابريل Esra2

قادت سبعين ألف من شباب مصر على الفيس بوك , مباشرة من جروبها , غير عشرات الآلاف من جروبات تانية دعت لإضراب 6 أبريل الناجح !!!

لولا نجاح الإضراب ما حبست , ولا صدرت أوامر الرئاسة للقاضي بتجديد حبسها !!!

الفتاه البطلة إسراء التي اسست جروب الإضراب في 6 ابريل
محبوسة الآن علي ذمة التحقيق لمدة خمستاشر يوم
ثلاثة وعشرين واحد هنا في القاهرة،منهم فتاتين نادية مبروك وإسراء عبد الفتاح ،
وواحد وعشرين شاب
ده غير المعتقلين في الإسكندرية والبحيرة والدقهلية والغربية وأما كن أخري كثيرة
مش عاوزينهم ياخدو احكام !
ولو ده حصل واتأذو فعلا , مش هنسكت !
الناس دي مارست حقها القانوني في الدعوة إلي الإضراب أو التظاهر
يمكن كلمة تحريضهم لنا تبان غريبة بس
المقصود انهم محتجزين بتهمة إنهم حرضونا ،يعني الاسم تعبير عن التهمة الخايبة الموجهة ليهم ، مش تقرير لواقع
أصلاً ماحدش حرض حد ، كل واحد اللي رفض واللي أيد خد قراره من دماغه ،ماحدش لوي دراع حد عشان يشارك في الإضراب ولا وسوس في ودانه
دي دعوة علنية واللي قبلها قبلها بمزاجه
وللأسف تغيير الاسم مش ممكن دلوقتي

يا جماعة عايزين مشاركتم وافكاركم للضغط على الحكومة من أجل اطلاق سراح إسراء وزملائها
بالله عليكم كل واحد يفكر نعمل ايه
انا فكرت نبعت رسائل للصحفيين وان شاء الله حبعتلكم قائمه بإيملات لصحفيين كتير
وفكرت نعمل يوم كامل بعنوان

من أجلك يا إسراء

وفى هذا اليوم نبعت مشاركات على المنتديات ونكلم اصحبنا ونرسل رسائل موبايل وغير ذلك
ونعرف الناس بقضية اسراء
يا جماعة اسراء تستحق مننا نقف بجوارها يا جماعة أسراء بتضحى عشان مصر وعشنا وعشان تخلص مصر من الحرامية والفاسدين
أرجوكم
ذى ما تفاعلنا مع الإضراب عايزين نتفاعل مع قضية أسراء
وده رابط حملة التضامن مع أسراء على الفيس بوك
https://www.facebook.com/group.php?gid=13348521910
وياريت كل اللى عنده فكره يدخل ويكتبها وبعد كده نعمل ورشة عمل ونشتغل مع بعض ونوزع الأدوار
على فكره كل واحد فينا معرض لما حدث لإسراء
فكل شريف وكل واحد عايز يصلح البلد معرض للسجن والظلم
ولو خذلنا إسراء وزملائها حيبقى عار علينا

اللهم بلغت اللهم أشهد